LiLiLi-laach 3 x 11 humoriste oet Limburg ISBN: 978-90-78407-38-6 Pries: 14,90 Dao vilt altied get te lache. Zelfs es ’t hieël dreuvig is, vinge veer ummer ein raeje um d’r get wietsigs van te make. Zoe zeen veer noe einmaol.

Dit is ’t driede book mit humoristische verhaole van de LiLiLi. Iers Hahaha, daonao Hihihi en noe dan LiLiLi-laach en dat rijmt neet veur nieks op LiLiLi-daag, want dit book versjient bie gelaegeheid van de 11^e LiLiLi-daag.

Luuj wie Annie Schreuders-Derks, Jean Meijntz, Sef Derkx, Hein Coenen, Ger Frenken, Jan Pollux, Will Wintjens en Thei Dols die hön sjpore es humorist mieë wie verdeend höbbe, mer ouch nuuj talent wie Mariska Maessen, Lieke Brünken, Rachelle van Caldenborgh, Jef Bastiaens, Piet Lint, Marij Gijsen en Theo Schoonbrood zien van de partie. Daobie nog bekènde sjrievers wie Jan Haselier, Ton Laeven, Henk Hermans, Piet Meesters, Wiel Sijstermans, Wiell Didden, Lies Cillekens, Jef Clement, Ton Doesborgh, Erna van Gerwen, Jan heffels, Robert Lathauwers, Richard Leinders, Bep Mergelsberg, Bas van Neer, Michel Opbroek, Ger Prickaerts en Karel Ruiten en dan wit geer dat hie de bèste humoriste van de ganse provincie in ein book same kómme. Väöl plezeer.

In 't book is get fout gegange. Harald Theunissen oet Wieërt is neet de sjriever van 't verhaol Noeëts mieër, mer Rens Teunissen oet Ospel. Daoveur ós verontsjuldiginge. Veer zalle dat probere good te make in d'n twiede drök.