Titel: Örges mós ich beginne Auteur: Jan Bremmers ISBN: 90-6043-40-x Pries: € 12,50

Hoezer boewe

Ich bön de aafgeloupe nach weer zo tekeer gegaon.
Ich boewde mich ein hoes, metselde sjtein veur sjtein.
Ich maakde mich de sjpesie aan en lag ze,ein veur ein
en normaal hat d’r dan noe ei sjoon hoes mótte sjtaon.

’t Veel allemaol zo anges oet bie ’t kreke van d’n daag.
Vanmorge deej ich vól verwachting dan ouch de ouge aope
mer ’t rizzeltaat waas, wie geweun, maar weer ins good bezaope.
Ich zelf waas naat van zjweit. ’t Hoes? ’t Waas godgeklaag.

Veur de zoväölste keer kwaam de waorheid vas te sjtaon.
Angere die höbbe villa’s en sjöppe dao euver op
en ich, ocherm, höb nondedju nag neet eine pannesjop
óm rebouwe en korpenduus fetsoenlik op te sjlaon.

Mer toch höb ich get geboewd waat mennigein neet haet.
Ei lóchkesjteel. Det kin ich good. Tenminste, wie me zaet!