Auteur: Guus Kitzen ISBN: 978-90-78407-37-9 Prijs: 12,50

De sjoanheid van de Limburgse taal is väör väöle al ein insperasiebrón gewaes om d’r get in te sjrieve. Zoa höb ich in de loup van de jaore mènnig gedichske of laevesverhaol op pepier gezat. Oppe doer kaom ich tot ’t bezei wie riek ós dialek is aan weurd, spraekweurd, of sjoan gezèkdes. Mit dat gegaeve höb ich de oetdaging op mich genómme ein beukske in dichvorm te sjrieve äöver mien belaevenisse, oet de jeugtied aan de aw wèndjmäöle, wo in eine raffel van die weurd en gezèkdes gebroek zeen. Waal mós ich alles in herinnering rope oet de fiertiger jaore, wodoor ’t kan zeen dat ’t geheuge mich get anges ingeuf es de wirkelikheid van doe. Maog ’t toch väörkómme, versjoel ich mich achter ’t feit dat ’t mien jeugbelaeving waor. Ouch höb ich besjreve wat ich van ’t vreugere höb opgestaoke, zèk mer gelierd. Mit dit beukske prebeer ich e klein bietje bie te drage aan ’t behawd van ós sjoan modertaal en Limburgse volkscultuur. Ich houp dat ’t gesjrevene äöver vreuger uch plateweg gezag zal aanspraeke.

Guus Kitzen