|
Titel: PLAT-eweg
Auteurs Connie Palmen, Wiels Kusters, Ton van Reen e.v.a. ISBN: 90-76043-10-8 Pries: € 13,60 |
 |
Obbenuits
Wie totste euver de steiweeg gings,
sjolkgroet. Op en aof tösse de mögke
de hègke langs, stèllekes doed.
Veer huifde tot ´t duuster waor
de zomer oet. En tèlde de bunekes
in ´t bekske van email es bomma kuimde,
wied eweg, de kop vol ambras, eindelek
us tegekaom - gei bezej mie vaan de ore,
´t leech nog in de loch dat z´ch al spreide
wied oonder d´n duuster weg.
sjolkgroet. Op en aof tösse de mögke
de hègke langs, stèllekes doed.
Veer huifde tot ´t duuster waor
de zomer oet. En tèlde de bunekes
in ´t bekske van email es bomma kuimde,
wied eweg, de kop vol ambras, eindelek
us tegekaom - gei bezej mie vaan de ore,
´t leech nog in de loch dat z´ch al spreide
wied oonder d´n duuster weg.
Mestreech, Frans Budé
Kniettewies
e lidsje
D´r ieësjte doeë dem iech zoog
- mè deë miech jinne sjrek aajoog -
dat woar mieng Oma wie ze loog
kniettewies óp d´r sjoof
- mè deë miech jinne sjrek aajoog -
dat woar mieng Oma wie ze loog
kniettewies óp d´r sjoof
weë kriet ´t allenäu óp ing rij?
e kink mit blutsje in de knei
e kink dat sjpieëlet in d´r sjnei
en köadsjesjpringe dong
e kink mit blutsje in de knei
e kink dat sjpieëlet in d´r sjnei
en köadsjesjpringe dong
´t woar nog ier e paar sjtond aod
doe woar d´r Pap ing naat al kaod
jesjtórve an ´ne zonnesjtich
bij de boesedaags
doe woar d´r Pap ing naat al kaod
jesjtórve an ´ne zonnesjtich
bij de boesedaags
´t kink loog mit d´r Pap in bed
´t woar jing plaatsj doa vuur zieng Mam
de vinster óp, ´t winget jet
oame dong ´t fain
´t woar jing plaatsj doa vuur zieng Mam
de vinster óp, ´t winget jet
oame dong ´t fain
d´r ieësjte doeë dem iech zoog...
en wie ´t at vöal auwer woar
de Oma die iech han jekankd
woar iech nog kling en döks alling
sjloffet iech bij heur
de Oma die iech han jekankd
woar iech nog kling en döks alling
sjloffet iech bij heur
d´rre naatspoem woar mit blömsj´re dróp
ze hauw e vröngsje óp d´r kop
´t naats jelüesd woar ´t ing flieët
jroeës woar ´t bed van ós
ze hauw e vröngsje óp d´r kop
´t naats jelüesd woar ´t ing flieët
jroeës woar ´t bed van ós
en went ze miech vertselle dong
da oos iech miech d´r appel oes
dem ze in d´r oavet hauw jelaad
basterdtsoekker dróp
da oos iech miech d´r appel oes
dem ze in d´r oavet hauw jelaad
basterdtsoekker dróp
en went ´t sjneiet in d´r meëts
da zaat ze miech: krieg diech jet sjnei
en wèsj diech doa de oge mit:
krieste ´ne kloare blik
da zaat ze miech: krieg diech jet sjnei
en wèsj diech doa de oge mit:
krieste ´ne kloare blik
d´r ieësjte doeë dem iech zoog
- mè deë miech jinne sjrek aajoog -
dat woar mieng Oma wie ze loog
kniettewies óp d´r sjoof
- mè deë miech jinne sjrek aajoog -
dat woar mieng Oma wie ze loog
kniettewies óp d´r sjoof
weë häu ziech dat va heur jedaad?
e meëdsje jong ze noa d´r maat
tse vós noa Oche mit ing vraat
aier, bótter en ezoeë
e meëdsje jong ze noa d´r maat
tse vós noa Oche mit ing vraat
aier, bótter en ezoeë
noe woar ze doeëd, wat woar ze kling
iech zelver woar at tsemlieg jroeës
iech wós nit wat nog kómme moeët
mè waal wat woar jeweë
iech zelver woar at tsemlieg jroeës
iech wós nit wat nog kómme moeët
mè waal wat woar jeweë
Kirchroa, Wiel Kusters
©2009 Uitgeverij TIC