|
Reubemich LiLiLi 45 Roman van Sjang Habets in 't Oeësjbiks ISBN: 90-76043-84-1 Pries € 14,90 |
 |
In de jaore dartig ging ‘t neet good in Zuud-Limburg. Ouch in Reubemich is ‘t crisis. Mer toch is ‘t nog ummer ei sjoeën, röstig en aafgelaege dörpke wao de meiste luuj wirke in de landbouw. Greetje Stevelmans, ein jónk maedje, die als jóngste bedeende bie de gemeinte geit wirke, kump in dat dörp langs de grens terech en mót zich zoeë good en zoeë kwaod es ‘t geit sjtoande hawte. Jaloezie, kleinzerigheit, mer ouch behulpzaamheit, vrundjelikheit krig ‘t te veule. Mer ouch sjoolmeister Sjier Fransen, voorman Nöl Reuselaers, gemeinte-sikkertaris Sevier Zelissen, madam Reubsaet en Merieke Nagelbek gaeve kluur aan Reubemich. In de jaore dartig kump ouch de dreiging van euver de päöl ónger de luuj en nemes wit wie eine angere ónger die sjpanning zich zal gedrage.
Sjang Habets (1924) haet in Reubemich zien herinneringe aan Oeësjbik perbere vas te lčgke. Hae is al lang eweg oet ‘t dörp, mer wie zich ein en angert haet aafgesjpeeld in dae tied veur de groeëte kreeg, dat wit ‘r nog percies.
Hae haet es psycholoog in Mestreech, later in Tilburg en Breda gewirk en ‘r woent noe in Goirle. Nao zien pensioeën is ‘r zich aan ‘t sjrieve gaon gaeve. Reubemich is ziene ieësjte roman in de sjpraok van zien gebaorteplaatsj.